Connect with us
Dersimnews.com 12 yaşında!

Dersim News, Dersim Haber, Dersim, Tunceli Haber, Dersim Haber Sitesi, Dersim Haberleri, Tunceli Haberleri,Dersim 38, Kırmancki, Zazaca, Dersimce, Alevi Haberleri, Pülümür, Hozat, Ovacık, Mazgirt, Nazımiye, Çemişgezek, Haber,Alevi Haber, Alevi Haberleri,

Sahirê Dêrsımi: Weliyê Uşênê İmami

Haberler

Sahirê Dêrsımi: Weliyê Uşênê İmami

Paylaş

Şêrê diyarê Laçi ser, asmêni ra, ax, roz vıneto
Merdena koy persenê, ma rê çêf u saltaneto

Paylaş

Sahirê Dêrsımi Weliyê Uşênê İmami 16.05.1958 de şi Heqiya xo.

Weliyê Uşênê İmami, Tertele Dêrsımi sero xeyle şüari vati. İnu ra jüye ki Hewayê Derê Laçi’ya.

Hewayê Derê Laçi

Halo, halo, halo
Halê ma yamano
Esker onto ma ser de
Dormê ma qapano
Ordi zafo, canê wela ma nêdano

Şêrê diyarê Laçi sere
Têde mız u dumano
Şêrê diyarê Laçi sere
Têde şin u şivano
Bextê aşiru bırıjiyo
Kes ma rê alaqutare nêvano

Qemerê Heseni verê mığare de gıno waro
Şêrê mınê berano
İvişi xo sanıto Pulê Pil Xatune
Hem dano pêro, hem qeydu vano
Vano »to hirê ordi ontê ma ser de« 
Heqi ke dest da, nafa neferi ra nêverdano
Zalımi qısley untê ma ser de
Haqi ke dest da, nafa ondêri ra neferi ra nêverdano
Aşiru nıka teseliya xo ma Demenu ra gurete
Meşte ki goçê sıma jê goçê Hermeniyano

Eskeri zor kerdo, İvisê mı, xo bıçarne peyê kemere
Ewro hucım kerdo, qolê hetê Pêtere
Qersuna ondêre gınay İvis ağaê mı, esker heni kuto dere
Ax yamano, malê tharva cigere
Kamo ma u piyê to rê biaro, bıko, a xevere

Qırkerdena ma Demenu, aşiru rê ruswete, pere
Dina Heqi persenê, dina de zurekera bêtivara

Derê Laçi bıvêso, İvisê mı çeto
Şêrê diyarê Laçi ser, asmêni ra, ax, roz vıneto
Merdena koy persenê, ma rê çêf u saltaneto
Kam ke ma ra Derê Laçi de mıreno
Roza İmam Uşêni axrete de caê xo ceneto
Ma do pêro, hêfê xuyo hawt bedeli gureto
Qır keme, qır nêkeme, nêqedino, ordiyê dewleto

Derê Laçi bıvêso; İvisê mı, şiya aşire
Lazê mı dest u boji semernê we, kuto wertê tavure
Lerze meke, ravê meso, rew memıre
Ax lemın bao, ravê meso, rew memıre
Ordiyê hokmati zafo, dina ma ser de kerde sajia sure
Ondêrê Heqê mı, kıstena İvis ağaê mı bena zure

Weliyê Uşênê İmami



Continue Reading
You may also like...
Click to comment

Leave a Reply

E-posta hesabınız yayımlanmayacak. Gerekli alanlar * ile işaretlenmişlerdir

19 − 15 =

More in Haberler

To Top