Connect with us

Dersim News, Dersim Haber, Dersim, Tunceli Haber, Dersim Haber Sitesi, Dersim Haberleri, Tunceli Haberleri,Dersim 38, Kırmancki, Zazaca, Dersimce, Alevi Haberleri, Pülümür, Hozat, Ovacık, Mazgirt, Nazımiye, Çemişgezek, Haber,Alevi Haber, Alevi Haberleri,

Zazaki, Zonê Mı, Zonê Dêk u Mau

Haberler

Zazaki, Zonê Mı, Zonê Dêk u Mau

Zonê ma Zazaki hata be roza ewreyene ke pay rao, no sayıya dêk u maunê ma rao. İnê na haleta xuya khulelık u şirêne, no zonê Xızıri ardo resno ma, gune ma ki cı rê wayır vecime, no zonê Xızıri jê dinê azê newey rê caverdime.

İnson ke ame dina, kamci zon de qesey keno, sene zagon u kulturao, kamci qomi ra beno va bıbo, destê inson de niyo, avêr ra nainê nêşikino jê wastena xo weçino. Zon, wertê insonu de jü pırdo, qesey kerdene ra bıcêrê hata be kultır u itiqat u fıkır ramıtene, ni pêro ebe zoni benê. Ma, naine vırên de heve be heve maunê xo ra cême, cokao ke dina sero, zoni ki namey bi, cı ra zonê mau vacino.

 

zazaki-zonema

Jê cêniyunê dina, dêk u maê ma ki her waxt zonê xo de, ebe odet u torê xo jü nesıl resno, kerdo pil. Phıtunê xo rê roza Haqi, zonê xo de loriki nornê, cı rê dua u mıneti kerdê, sanık u hêkati, lawık u kılami, şuari vatê. Zonê xo de esqıliyê, berbê, jübin de nohurê, esqê cı biyê, jübin ra has kerdo. Waşti u mısayıvu serê bonu ra saa sure esta cı, zagon u itiqatê xo, deniskar u veyvê xo, zonê xo de kerdo. Zonê ma Zazaki hata be roza ewreyene ke pay rao, no sayıya dêk u maunê ma rao. İnê na haleta xuya khulelık u şirêne, no zonê Xızıri ardo resno ma, gune ma ki cı rê wayır vecime, no zonê Xızıri jê dinê azê newey rê caverdime.

Sıma ki zonenê, tarixe pêro qomu de cêni, hetê zoni ser her waxt rolo de gıs gureto. Zonê ma de ki no nia ro, ma ke kamia qomê xo namê kerde, nêmê xo cêniyê, nia vacime, cêni her waxt kılıtê zon u kultıriyê. Tarıx de, vandalu ke wasto jü mılet bıcêro bınê bandıra yaki werte ra wedaro, nine vırên de dest esto cêniyu. Dine serra wasto ke zon u kultır u itiqatê ê qomi bıcêro bınê deşti, werte ra wedaro. Xora ni ki dariaywe, qom ki werte ra darinowe, sono.

Cokao ke dina sero, asma guciga 21`ye roza zonunê dayıkuna, roza zonunê bındestuna. Na roval ra hama, hama her welat de numais u pêseramais benê, zoni sero malümat danino. Dina de ebe milyaru insoni estê, her jüyê xo, zonê xo de weşiya xo rameno. İnsono bê zon, lal u kherro, perr u payê xo şikiyê, nêmeceto, qe thoway ra thom nêcêno.

Wastena mı awa ke, zonê dêk u pirukunê mı ki jê zonunê binu serbest bo. Zonê mı de mektevê vırêni ra hata be Üniversita bıbo, hetê “anayasa” ra ki bısevekniyo. Zonê mı de 24 sati tv, radyo bıbo. Tiyatro, qezata, perlodi, kaset u ktavi her ke şi zonê mı de jê de bê. Xıtamê pêyen de vanune ke, tım wayırê zoni, qomo.

Wes bo roza zonunê dêk u mau.

Berfin JÊLE

Sosyal medyada paylaşın
  •  
  •  
  •  
  •  
  •  
  •  
  •  
  •  
  •  
  •  
  •  
Click to comment

Leave a Reply

E-posta hesabınız yayımlanmayacak. Gerekli alanlar * ile işaretlenmişlerdir

More in Haberler

To Top