Home » Haberler » Roza Zonu Bımbarek Bo!

Roza Zonu Bımbarek Bo!

Sosyal medyada paylaşın

Roza Zonu bimbarek bo! Dünya Anadil Günü kutlu olsun…

21 Şubat Dünya Anadil Günü

 

ZONÊ MA

Zarance kuna kemeru,
Zonê hode wanena.
Qilancike
nisena gile dare ra,
Zonê xode qistnena.
Amnon yeno, beno germ,
Temuz zonê hode cizeno.
Mor u milawin,
Teyr u tur,
Pil u qiz,
Cin u ciamerd,
Serre na dinade her çi,
Zonê hode waneno.
Serre na dinade
her çi, her kes
zone hode girano.
Wertê ninera
ça teyna ma
zonê hora vozdame!
Ça teyna ma
zone hora rememe!
Ma rememe kata some?
Zazaki zonê mao.
Bav u kali qeseykerdo.
Lawiki vatê, saniki vatê,
Zonê ma zof sireno.
Zonê ho ça vindkerime,
Zonê sari ça ser kerime,

Zonê ho ça bin kerime!
Zonê sari ça ser kerime!

Zonê ma ke bi vind,
Ma ki beme vind!
Lawiki bene vind,
Saniki bene vind,
Rost bena vind,
Tari maneno!
Beme lal, beme kêr,
Beme bê pa u bê per,
Kume bine destu,
Gineme vêrrê dêsu,
Halê mare u waxt
her kes huyino,
– ne ke her!

Hasan  Dewran 

2 Responses to Roza Zonu Bımbarek Bo!

  1. Hıdır Aytaç Cevapla

    22/02/2013 at 09:39

    Hasan Dewran vatena to hete zonira rasta, qesede ma çino, Dinade chı kom esto zone ho ra qeseykero. Kes zone keşi mevurno,inkar nekero.

    Zu qesa esta ke tı name zone ma vurno, kerdo Zazaki. Na kerdena to ki ayeke zonu vurnene je yine nia?
    Ala ree so Dersim’de bıfetelie perske ala name na zoni Zaza o, yaçi Kırmanckio. Eke tıÇewliğ rawa vatena to rasta uza na zonira Zazaki vane. Eke Dersimra wa chınayre inkar kena. Ma sare Dersim vatene zone ma. Pilune ma vatene: Zone ma zone Xızırio. Ala ree so Çewliğ de cae de binde vaze zone ma zone Xızırio. İsone uzai sasbene, chıke itiqatu kultur de ye heru cai zovinao. Ma itiqate heru mıletire tawa nevame cıre hurmet keme, zone keşi neşkime ke bıvurnime. Bıra sıma chınayre nia kene nezoneme. Az ewro 65 serri deru mı na Zazaki ki sımara hesna. Qesa raste u xere vaze, bımane weşiede.

  2. Hasan Dewran Cevapla

    01/03/2013 at 17:31

    Bırao hewl, bırao pil Xıdır Aytaç efendi,
    tu vatena hode raşti vana, ma hardê hode, dewa hode, Dersim de zonê hora vame: Kırmancki.
    Hama endi literaturê zonunê dinade zonê ma eve ZAZAKi yeno nasbiyane.
    Dinade endi namê zonê ma Zazaki´yo!
    Zerrê na meselade zonayisê milli (“milli bilinç”) esto, fıkrê ju qomi, xelki yeno ra zon!
    Onciya kam ke wazeno tavi ke çêyê hode u nustunê hode çıturi vano va hêni vazo: Kırmancki, Zazaki, Dımılki ….

    Ju misal: Quri (Khuri) zonê hora jê ma vanê Kırmanci, Kurmanci, Badinani, hama eve zonayisê huyo milli nıka endi vanê: Kurdi!

    Zonê ma eve 4-5 Million Qeseykerdoxu dinade endi eve Zazaki nasbiyo!
    Torê roza rınde! Zof selam. H.D.

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

9 + fifteen =