Dersimre Wayir Vejiye

Mave Xerdi Mılete ma…

Na asma eke verve ma yena,  4 Gulane de  roza Tertele Dersimia.

Eke besekene a roze kar meşere,serva seyidune ho cıleki sıma rafie.

Kıncune şau pırajeré.

Nayera 76 serira raver meslise Tırki de Baqanune Tırku qerare guret, vake sare Dersimi qırkerime. Na qeraro niane, rie dinade ne cae Welate de, neçi suke de, necerayvi. Hama Tırku qerare de niane guret. Dewleta Tırki na tarıxra zof raver wastke Dersim bijero bıne bandıra ho. Verecoy da eve aşira Qozuro, Aşira Qozu qırkerde o waxt sare Dersim qeret nekerd tae mızauru, Ağlere Dersim khankerdi nevaerdake dest berze Qozu, Qoçgirie de Ciniu Cuamerdi,domoni u Khale Kokımi thede qırkerdi dere u derxunu de gonia aşirune Kırmanci şie. Devleta Tırki eke Qozu khırkerdi hete de Dersim kerd xırave, Dersim zeke theyra eke pere huyo jü şikino şiyero a theyre. Qozu Dersim de en aşira Hewle vie, sare qozu je şeru eskere Tırki de da pero, chı bi eke Mıste Kori eve komandanune hora chı ordie ho bi bıne emre Saqali Nurettin pasai de ont Qoçgirie ser, hona nevınet hepısxanu de chı eşkia bi (Laz Topal Osman) ard verdara Qoçgirie ser. Eke Qoçgirie kqırker de qedene na ree vere ho carne mezge  Dersimi.

Mezge Dersim, pile Dersimi vi. Mıste kori zonené ke honde eke pile Dersim este, Dersim’re wairiye kene pe zumin cene, chokara o, vere coy hot Pile Dersim eve xayineni eve hile u duvara ra pe gureti ardi werte Tırkune Xarpeti de eşti dare, cendege Pilune ma berdi kerdi vindi 76 serrio ke, eke sekerde cae mezelune pilune ma ne vane.

Pile Dersim eke wertera daiwe, wertera ses asmi verdi ra, chı eskere ho bi kerdve Dersim, sare ma vere coy çe hode vınet cae neşi, eskeri eke pe kami guret berd qırkerd sare Dersim be guman vi nezona eke ma qırkene hata juoke besekerd ho dara ya, ho est werte bıri, vejaro kou. Esker je şeli ameyvi reça mılete ma fetelne, dımera nevışia eve asmuna koune Dersimde goni şie. Daru kemere Dersim, Cheme Muzır,cheme Şedxanu danoğe yé rozuno. Ne sare Tırkura, ne çi zovina sari ra venge nevejia, Partia kominista Tırkia ki veng nekerd. Dewleta Ruşi Partia Kominista Tırkura perskerd vake; Ma heşiayme pe eke Sare Dersim,Alevi u ne Dersim qırkené. (TKP) Partia Kominista Tırki vake sare Dersim khırkerdis hakkerdo ne duste Mıstefa Kemal yene, ne gericie Ağaiye,Pir’iye, yine ki hete devleta ho guret. Zovina tae mılete rınd ki wastene ke qerete Dersimi bıkero, yineçi derde ho guretvi. Venge sare Dersim cae ne şi. Venge chıria isone ma derunu, koune Dersmde mend, the de xeneqia, je domoné soyi,je mosıme paki.

En sıfte nae vajime o waxt Dina de terse Adolf Hitler bi, heru sari heru dewlete derde ho guretvi vastene ke zoru zulme Hitleri ra, ho bıxelesno, Dewleta Tırki açuğa ho Mıstefa Kemal na roza nianene piene eke Dersim işqal kero.

Esker kerd Dersim eve hazaruna qırkerd, Tertele de gırs ard saré Piu Khalukune ma Maunu Dekune ma serde. Hegau Biçine Dersimi bone Dersimi vesnai Dımera ju eke werte bırde kou de xeleşia, da eve ğerv heru jü estve cae, dewe ma koe ma kerdi asaki. Dersim kerd asak mıntıqa. Jüoke bıne meyitu de xeleşia na ree ki eve wesania qırkerd, Dersim de neweşie vejie taine vatene pize derdi, domoniye ke mendi eve na derde pijira şi. Awa ke ame isone ma serde cae beri zamande keşi mıleti ne die, ne çi viné.

Na derdi deime ma virra nesone chutır ma virra şere, wertera 76 serri verde ra oncia dewleta Tırki zıde mılete mawa, zıde zone mawa, zıde itiqate Aleviyenia. Newe newe fendu vezena eke mılete ma bezon, be itiqat be wair kero.

Na asma eke yena 04/05/ 2013 na roze wazeme eke Almanya de suka Köln vere meydane Dom de khale pilunu seyidune ho bikerime,cıre tene cıla era cıfime Sare Dersim a roze bere lee zumin, pe zumin bijere serva Pilunu merdune ho, verva zulmi vınde. Juo ke zere ho serva Dersim veseno, peero bere chılé era cıfie. To eke ho nasnekerd hore wair nevejia kes tore wair nevejino. Tı eke Pilune hore wair nevejia tı be bıngewa. Ma zonemeke Bınge ma xorio, ma bınge hore itiqate hore kamiye hore wair vejime asma Gulane 4 ne de meydane Dom de venge ho jü kerime, Pilu qijre selam kenu na saate bımane weşiede.

Xıdır AYTAÇ

13 Nisane 2013