Piltan: Perloda Zazakiya newiye

Piltan perlodê de zazaki ya newiya. Hêni vajime khe, ma rê biye mijdaniyê de newiye… Gelê tevdiri ra dıme, Piltane wısarê 2019i de ebe amoro verên vêjiye. Raşta heqi, ma rê perlodê de niyanêne zaf lazıme biye. Çıkhe materyalê zon u zagonê ma na bota, internet de, sosyal medya de lete u leware bi. Nıkha ebe amayêna Piltane no materyal pêro jü cade rındek amo pêser.

Piltane ver ra hatani pêyniye thengejiyayi ya: Nustê, şiiri, şanıkhi, kayi, resmi, anekdoti. Pêro zaf orijinal, jü jü ra rındek. Wendena xo tham u lezetê de weş dana isani. Hêni aseno khe hem redaksiyonê Piltane hemı khi teka tek nustoğa, kar u gurê perlode zaf qife gurêto, ebe no qêyde khi perlode ebe qalitê de berz vêjiya. Qaso khe sosyal medya ra kıfş beno, şarê ma khi rınd elgi u elaqa mısneno re perlode. 

Qadroyê nustoğanê Piltane khi şıkır qadroyê de hewl u qewetli yo. Taê de nustoğa xora wertê qomê ma de verde ra naskerdê. Taê de xo khi ebe Piltane ênê naskerdene. Ha khan ha newe, nê nustoği pêro khi nezerê ma de wayirê sêncê gırani yê, pêro ki ebe qedr u qimetê. Xêriyeser, saa sarê nê nustoğanê qimetliya u kar u gurê dina o qimetli, zav zêçê ma, çhêl u çhukê ma tayina ver çarneno re zonê khalık u bavıkhanê xo…

Şarê ma khi çıqa dest ra êno gere hondê pışti bıdo perloda xo. Gere ma pêro Piltane bıwanime, bıdime wendene, dormê xo de bıdime naskerdene. Çı ma dest ra êno gere ma cı ra meşeveknime. Piltane na sate her cade nina diyaêne. Raa raşte awa khe wendoği abone bênê, çı taw khe amoro newe vêjiya wa bêro edresê wendoğa. Na derheq de pela Piltana facebooki rê ya khi emailê cêrêni mesaj bırışnê:

Pela Pilatana Facebooki: https://www.facebook.com/Piltann/
Email: hegaejan@gmail.com

Çıme: zazakikosmos.com